www.urdupower.com/News/Garm/latest

اعوذ باالله من الشيطن الرجيم بسم الله الرحمن الرحيم الحمد لله رب العالمين . الرحمن الرحيم . ملك يوم الدين . اياك نعبد و اياك نستعين . اهدناالصراط المستقيم . صراط الذين انعمت عليهم ' غيرالمغضوب عليهم ولاالضالين
WWW.URDUPOWER.COM-POWER OF THE TRUTH..E-mail:JAWWAB@GMAIL.COM Tel:1-514-250-3200 / 0333-585-2143 Fax:1-240-736-4309

Email:-jawwab@gmail.com

Telephone:-1-514-250-3200


تاریخ اشاعت:۔15-03-2010
سا ئیکل پر سواری کرتے جوڑے کی شادی
ماسکو: بر سوں تک ان کی شا دی کی تقر یب کو یاد گاراور دلچسپ بنانے کیلئے کچھ لوگ منفرد کارنامے کرتے ہیں ۔ ایسا ہی روسی جو ڑے نے کیا جنھوں نے اپنی شا دی کو دلچسپ بنا نے کے لئے سائیکل چلا تے ہوئے شا دی کا فریضہ سر انجا م دیا ۔ یہی نہیں بارات کے ساتھ دوست احبا ب بھی ان کے ہمراہ سائیکل پر سوارہوئے ۔ روس میں اکثر جوڑے اپنی شادی کی تقریب کو دلچسپ بنا نے کیلئے اس منفرد انداز سے شادیاں کرتے ہیں ۔
تاریخ اشاعت:۔08-03-2010
زیادتی کا نشانہ بننے والے جانوروں کو وکلاءفراہم کرنے کیلئے ریفرنڈ م
سوئٹزرلینڈ میں اتوار کو ایک انوکھا ریفرنڈم ہوا جس میں عوام یہ فیصلہ دیں گے کہ ملک میں زیادتی کا نشانہ بننے والے جانوروں کو وکلاءفراہم کئے جانے چاہئیں یا نہیں۔ جرمن نشریاتی ادارہ کی رپورٹ کے مطابق زیوریخ میں جانوروں کو یہ سہولت 1992ءسے ہی حاصل ہے۔ تاہم آج کے ریفرنڈم میں عوام کی آواز ’ہاں‘ رہی تو ملک کی دیگر 25 ’مِنی اسٹیٹس‘ میں بھی یہ قانون رائج ہو جائے گا۔ ماحولیاتی تنظیمیں اور ملک میں گرین اور سوشلٹس پارٹیاں اس ریفرنڈم کی حمایت کر رہی ہیں۔ تاہم سوئس حکومت، پارلیمان، اور ملک کی سب سے بڑی سیاسی جماعت سوئس پیپلز پارٹی اس کے خلاف ہے۔
تاریخ اشاعت:۔03-03-2010
شادی والے دن بچے کی پیدائش
ایک عورت اپنی شادی کے دن میٹرنٹی ہوم پہنچا دی گئی جہاں اس نے اپنے بیٹے کو جنم دیا۔ عورت جیمی فلپس کا کہنا ہے کہ وہ بچے کو سات مارچ سے پہلے توقع نہیں کر رہی تھی۔ تاہم ٹولیڈو میں منعقد ہونے والی اس کی شادی کی تقریب میں جب اس کی طبیعت زیادہ خراب ہونے لگی تو اسے سلوانیا ہسپتال پہنچا دیا گیا۔ بچے کے باپ مارک فلپس کا کہنا ہے کہ جب اس نے شادی کا انتظام کرنے کا سوچا تھا تو اس کا خیال نہیں تھا کہ بچہ اتنا پہلے پیدا ہو جائے گا۔ جیمی اور مارک کے والدین کا خیال ہے کہ وہ سب کچھ ٹھیک ٹھیک کرنا چاہتے تھے اس لئے ان کو شادی میں اتنی جلدی کرنا پڑی۔ جیمی اور مارک نے بچے کا نام ٹووا تجویز کیا ہے۔
تاریخ اشاعت:۔25-02-2010
چور شراب خانے کے آتش دان میں پھنس گیا
برازیل میں ایک چور بھاگنے کی کوشش میں چمنی میں پھنس گیا۔ انیس سالہ نوجوان ہوٹل کی چمنی سے باہر نکلنے کو کوشش کررہا تھا کہ چمنی کے تنگ ہونے کے باعث باہر نہ نکل سکا ۔ ہوٹل کی مالک نے ہوٹل کی چمنی سے کسی آدمی کے درد کے چیخنے کی آواز سن کر پولیس کو اطلاع کردی ، آگ بجھانے والے عملے کو چور کو باہر نکالنے کیلئے ایک ہزار ڈالر سے بھی قیمتی چمنی کو توڑنا پڑا۔
اپنی منگیتر کے لئے برفانی قلعہ
اوہائیو کے ایک رہائشی ریان نوٹیک نے اپنی گرل فرینڈ سے شادی کی باقاعدہ اجازت مانگنے سے پہلے اس کے لئے برف کی سلیٹوں پر مشتمل ایک قلعہ بنا دیا۔ ریان نوٹیک کا کہنا ہے کہ وہ اپنی گرل فرینڈ کو اس طرح پروپوز کرنا چاہتا تھا جو ہمیشہ کے لئے اس کی خوبصورت یادوں کا خزانہ بن جائے۔ کلیو لینڈ کے نواحی علاقے پارما میں واقع اس ایک کمرے اور ایک منزل پر مشتمل قلعے میں ریان نے موم بتیاں روشن کیں اور پھولوں کی پتیاں فرش پر بکھیر دیں۔ کمرے کی سردی کو ختم کرنے کے لئے ریان نے ایک ہیٹر کا بندوبست بھی کیا۔ جب اس کی منگیتر کرسٹی لیمبارڈو نے برف کا یہ قلعہ دیکھا تو اس نے اسے بہت پسند کیا۔
تاریخ اشاعت:۔15-02-2010
پیار برائے فروخت
نائجیریا کے ایک چرچ نے ہفتے کو اعلان کروایا تھا کہ اگر کوئی تیرہ ڈالر جمع کروائے گا تو اس کو اس کے مستقبل کے جیون ساتھی سے ملوایا جا سکتا ہے۔ لاگوز کے قریب واقع ہاؤس آف گاڈ فیلوشپ چرچ کے ترجمان نے کہا ہے کہ لوگوں سے یہ فیس ویلنٹائن ڈے کو منعقدہ چرچ کی تقریبات کے اخرجات پورے کرنے کے لیے لی جا رہی ہے۔ ترجمان نے کہا کہ یہ اعلان صرف کنواروں کے لیے تھا اور پچھلے سال اس طرح کے فنکشن سے کافی اچھے نتائج سامنے آئے تھے۔ گارڈین اخبار میں چھپنے والے چرچ کے اشتہار میں لکھا تھا کہ اپنے مسٹر یا مس رائٹ سے ملاقات کر کے نئی زندگی کی ابتدا کریں۔ جلدی کریں۔ ہو سکتا ہے کہ اس کے بعد آپ کو اپنے جیون ساتھی کو ڈھونڈنے کا موقع نہ مل سکے۔ فیس تیرہ ڈالر۔
تاریخ اشاعت:۔11-02-2010
د وہفتے مسلسل سونے والی لڑکی
برطانیہ میں میں عجیب و غیریب بیماری کا شکار لڑکی جو ایک بار بستر پر محواستراحت ہونے کے بعد دو ہفتوں تک نیند سے بیدار نہیں ہوتی ، کو اس کے اہل خانہ اور دوست کہہ کر پکارتے ہیں۔ بر طانیہ کے ورتھنگ کا ونئی سے تعلق رکھنے والی15 سالہ لو ئزابال 2008میں فلو کی وجہ سے اس بیماری کا شکار ہو ئی تھی جس کے باعث وہ اسکول کے امتحا نات ،ڈانس کلاسز حتی کہ اپنی فیملی کے ساتھ گھو منے پھرنے اور تفر یح سے بھی محر وم رہتی ہے کیونکہ ایک مر تبہ سونے سے لو ئزاپر دو ہفتے تک نیند کا غلبہ رہتا ہے۔
تاریخ اشاعت:۔08-02-2010
چینی جوڑوں کو جنسی چیٹنگ کی اجازت
چین حکام نے عاشقوں اور شادی شدہ افراد کو یقین دہانی کرائی ہے کہ انٹرنیٹ اور موبائلز پر پورنوگرافی کے خلاف کریک ڈاؤن میں سیکسی ٹیکسٹ میسیج یا سیکسی چیٹنگ کرنے والوں کو کوئی سزا یا جرمانہ نہیں کیا جا رہا۔ دو عدالتی افسران نے اینٹی پورنوگرافی قانون کی تفصیلات بتاتے ہوئے کہا کہ اگر ایک دوست دوسرے کو کوئی سیکسی میسیج لکھتا ہے اور دوسرا اس سے نقصان نہیں اٹھاتا تو قانون اس پر کوئی پابندی نہیں لگاتا۔ ہاں اگر دوسرے کو اس سے نقصان پہنچتا ہے تو قانون اس پر پابندی لگاتا ہے اور اس کو قابل سزا جرم گردانتا ہے۔
تاریخ اشاعت:۔04-02-2010
چین کی 9 سالہ لڑکی ما ں بن گئی
چین 9 سالہ طالبہ دنیا کی سب سے کم عمر ماں بن گئی ہے۔ چینی اخبار کی رپورٹ کے مطابق چنگ چن اسپتال میں ماں بننے والی اس لڑکی کے بیٹے کا وزن 6 پاؤنڈ ہے۔ہسپتال ذرائع کے مطابق ماں اور بچہ صحت مند ہیں ۔ ماں بننے والی لڑکی کے اہل خانہ نے اس سلسلے میں کوئی بھی بات کرنے سے انکار کردیا ہے؛ تاہم ان کا کہنا ہے کہ انہوں نے اس معاملے پر پولیس سے رجوع کرلیا ہے جو اس بچے کے والد کو تلاش کر رہی ہے۔ واضح رہے کہ چین میں 14 برس سے کم عمر لڑکی سے ازدواجی تعلقات قائم کرنا قانوناً جرم ہے، جس کی سخت ترین سزا دی جاتی ہے۔ اس سے پہلے بارہ سالہ کم عمر برطانوی لڑکی نے بچے کو جنم دیا تھا ۔

E-mail: Jawwab@gmail.com

Advertise

Guest book

Feedback

Disclaimer

Terms of Usage

Our Team