بھاولنگر (بیوروچیف )ایک ہی روز دو واقعات میں تین افراد قتل دو حادثہ میں جاں بحق ، پہلے واقعہ میںآشناءسے ملنے پر بھائیوں نے بہن اور دو افراد کو قتل کردیا موٹرسائیکل اور ٹریکٹر کے تصادم میں دو افراد جاں بحق ۔تفصیلات کے مطابق نواحی گاﺅں 168 سیون آر کی راشدہ دختر محمد عارف وڑائچ نامی لڑکی گزشتہ شب اپنے مبینہ آشناءمحمد آصف ولد خالد محمود اور اس کے دوست عامر ولد نصیراحمد سے ملنے گئی ۔جس کا علم راشدہ کے بھائیوں طالب وڑائچ ،اور خالد وڑائچ کو ہوگیا ۔انہوں نے فائرنگ کر کے تینوں کو قتل کردیا ۔اور فرار ہوگئے ۔تینوں لاشوں کو پوسٹ مارٹم کے بعد ورثاءکے حوالے کردیا گیا ۔دوسرے حادثہ میں چک نمبر224 نائن آر کا محمد ارشد اور چک نمبر212 نائن آر کا غلام مرتضیٰ موٹر سائیکل پر آرہے تھے کہ سامنے سے آنے والے ٹریکٹر کی زد میں آجانے سے جاں بحق ہوگئے ایک ہی روز پانچ افراد کی اموات علاقہ بھر کی فضاءسوگوار کردی ۔

بھاولنگر (بیوروچیف سے) انجمن تاجران جنوبی پنجاب کی اپیل پر فقیروالی میں بھی مکمل اور ہارون آباد میں جزوی ہڑتال فقیروالی میں صدر بازار ،پرانا بازار ،ہائی وئے روڈ ،فیصل بازار ،لاہوری بازار کے تاجروں نے اتحاد و یکجہتی کا مظاہرہ کرتے ہوئے اپنا بنیادی حق پرامن احتجاج کرتے ہوئے حکومتی بے حسی اور عوام دشمنی پر کڑی تنقید کی ،صدر انجمن چوہدری محمد بشیر،چوہدری محمد شریف ،ڈاکٹر محمد ظفراقبال،حاجی کاظم حسین ،جاوید مجید نے تاجروں اور میڈیا کے نمائیندوں بات چیت کرتے ہوئے کہا کہ حکومتی سربراہان اپنے اخراجات میں کمی کی بجائے عوام کا خون نچوڑنے کی پالیسی پر ہی گامزن ہیں ۔کروڑوں کی گاڑیاں اور شاہانہ اخراجات یہ بھیک مانگ کر حکومت چلانے والوں کا افسوس ناک کردار تاریخ کے ادوار میں سیاہ باب ہوگا اور آنے والی اور موجودہ نسلیں ان کو کبھی معاف نہ کریں گی ۔ اگلے مر حلے پر تاجر بجلی دو اور بل لو کی پالیس بنانے پر مجبور ہیں جب بجلی نہیں تو بل نہیں ۔کیونکہ بغیر بجلی کے بلوں کی ادائیگی ممکن نہیں ۔انہوں نے مذید کہا کہ اگر سارے فیصلہ آئی ایم ایف کے ہی نافذ ہونے ہیں تو پھر اس ملک میں اسمبلی اور وزیرو کی فوج کی کوئی ضرورت نہیں ہے۔یہاں پرعملی طور پر آئی ایم ایف پالیسی اور احکامات کونافذ کر دینا چاہیے ۔اس بد قسمت جمہوریت سے تو ہم بغیر جمہوریت کے بہت اچھے تھے ۔جہاں پر ملک کی تقدیر اور قومی فیصلے پارلیمنٹ کی بجائے بیرونی احکامات پر ہوتے ہیں ۔ڈاکٹر محمد ظفراقبال میڈیا ایڈوائزر نے کہا کہ ہڑتال سے شائد ان کا سویا ہوا ضمیر شائد جاگ جائے ۔اب مجبور اور بے بس ہو کر عوام اور تاجران سڑکوں پر آئے ہیںدو سال قوم نے ان کو موقع دیا ہے مگر بتدریج یہ ملک تباہی و بربادی کی طرف دھکیلا جا رہا ہے اور راجہ پرویز اشرف نے ماسوائے قوم سے جھوٹ بولنے کے کچھ اور نہیں کیا اب قوم کو اس پر اعتماد نہیں اور یہ اس وزارت کے قابل نہیں ہے ۔چوہدری محمد شریف نے کہاہم 1947 والی پوزیشن پر پہنچ چکے ہیں ۔گزشتہ ایک ہزار سالوں کا حساب کر لیں اور ڈیڈھ سال کا تو معلوم ہو جائے گا کہ یہ ڈیڈھ سال بد امنی ، بے روز گاری ،مہنگائی اور عوام کو پریشان کرنے کے لحاظ سے گزشتہ ہزار سال سے زیادہ ہے ۔ملک کا نظم و نسق سنبھالنا موجودہ حکمرانوں کے بس کی بات نہیں یہ محض شاہ خرچیاں ہی کر سکتے ہیں ۔حاجی کاظم حسین ، جاوید مجید ، محمد انور عادل ،و دیگر نے بھی اپنے خیالا ت کا اظہار کیا ۔پٹرول میں ہوش ربا خود ساختہ اضافہ ، زندہ درگور کر دینے والی لوڈ شیڈنگ اور ظالمانہ ویلیو ایڈٹ ٹیکس بجلی کی نرخوں میں اضافہ کے خلاف ملک بھر کے تاجر برادری اب اٹھ کھڑی ہوئی ہے .بھاولنگر ،چشتیاں ،فورٹ عباس ، منچن آباد کے تاجروں نے کہیں جزوی اور کسی جگہ مکمل ہڑتال میں حصہ لیا ۔

بھاولنگر(بیورو چیف) بچوں کے روشن مسقبل کے لیے اساتذہ کو تمام تر توانائیاں بچوں کے تعلیم و تربیت کی طرف صرف کرنا ہوں گی ۔سرکاری ہائی سکول 110 سکس آر میں پنجم و ہشتم کی کلاسوں میں پہلی سالانہ امتحانات میں پوزیشن حاحل کرنے والے بچوں کی تقریب انعامات میں ہیڈ ماسٹر محمد اکرم ،سیکنڈ ہیڈ ماسٹر امجد فاروقی اور محمد طاہر ارشد کی میڈیا سے بات چیت ۔ہیڈ ماسٹر نے اساتذہ کی ذمہ داریوں کے حوالے کہا کہ اساتذہ پر قوم کے بچوں کی تعلیم تربیت کی بھاری ذمہ داری عائد ہوتی ہے اور اس کی بجاءآوری کے لیے تمام تر توانائیاں صرف کرنا چاہیں ۔حکومت نے دور درزا پسماندہ ترین علاقوں میں بھی جدید ترین کمپیوٹر لیب بنا کر کوئی کسر اٹھا نہیں رکھی اب بچوں اور اساتذہ کا بھی فرض ہے کہ اس سے بھر پور استفادہ کریں ۔انہوں نے اس عزم کا اظہار کیا کہ انشاءاللہ اس سال سے زیادہ محنت کریں گے اور جو کمی کوتاہیاں رہ گئی ہیں وہ پوری کریں گے ۔سیکنڈ ہیڈ ماسٹر امجد فاروقی نے کہا کہ قائد اعظم کے سنہرے اصول کام کام اور صرف کام پر عمل پیرا ہوکر ہی ہم دنیا میں ترقی کی منزل حاصل کر سکتے ہیں ۔بچوں کو محض تعلیم ہی نہیں بلکہ تربیت کی بھی ذمہ داری ادا کرنا ہوگی ۔ہشتم کلاس میں محمد حمزہ ولد آصف محمود نے 487 نمبر اور محمد عمر ولد رﺅ ف اللہ نے کلاس پنجم میں 398 نمبر حاصل کر کے پہلی پوزیشن حاصل کی ہے ۔بچوں نے بات چیت کرتے ہوئے کہا کہ یہ سب اساتذہ کی محنت اور والدین کی دعاﺅں کا ثمر ہیں ۔