بھاولنگر (ڈاکٹر ظفر بیوروچیف سے ) دنیا میں ممالک علم دانش اور ٹیکنالوجی سے ترقی کرتے ہیں اس پسماندہ ترین علاقہ کی پسماندگی کی سب سے بڑ ی وجہ تعلیمی فقدان ہی ہے ،نجی تعلیمی ادارہ جناح سائنس کالج کی سائنسی لیبارٹری کی افتتاحی تقریب میں سابق سٹی ناظم فقیروالی مقامی رہنماءپی پی پی حاجی اشرف السلام کا اظہار خیال ۔انہوں نے مزید کہا کہ پہلی بار اس علاقہ میں نجی سطح پر انٹر میڈیٹ کے طالب علموں کو سائنس پڑھنے کے لیے جدیدلیبارٹری کی سہولت کی فراہمی کی گئی ہے ۔انہوں نے اپنے مفصل خطاب میں کہا کہ دنیا میں جتنی ترقی ہوئی ہے وہ صرف ٹیکنالوجی کی بدولت ہوئی ہے برصغیر میں مغل حکمران اگر یہاں علم و حکمت کے فروغ کے لیے یونیورسٹیاں قائم کرتے تو یقینا برصغیر مختلف ہوتا اس کے برعکس سارے وسائل عمارتیں بنانے میں صرف کیں ۔حالانکہ اس وقت سارا علم مسلمانوں کے پاس بغداد وغیرہ میں تھا ۔سابق سٹی ناظم نے سربراہ کالج ساجد اور ساجد ارشاد کو خراج تحسین پیش کیا ج کی شب روز محنتوں سے یہ ممکن ہوا ۔اور باقی اداروں کو بھی ان کی تقلید کرنا چاہیے ۔تاکہ اس پسماندہ علاقہ سے میٹرک سے آگے تعلیم کی شمع روشن ہو ۔ تقریب میں جنرل سیکریٹری پی پی پی فقیروالی سید فرزند علی شاہ نے بھی خطاب کرتے ہوئے کہا کہ جہالت کے اندھیر کو علم کی روشنی سے ہی ختم کیا جاسکتا ہے کیونکہ فرمان مالک کائنات ہے اے نبی ﷺ فرما دیں کی عالم اور جاہل برابر ہو سکتے ہیں ۔تو گویا جاہم اور عالم میں صرف علم ہی کا فرق ہے اسی طرح حضرت علی کرم اللہ وجہہ کا فرمان عالی شان ہے کہ جاہل کی میراث دولت اور عالم کی میراث علم ہوتا ہے ۔تقریب سے سربراہ ادارہ محمد ساجد نے بھی ادارہ کی سرگرمیوں اور تعلیمی نظام کی اہمیت واضح کی اور کہا کہ ان کا جنون اچھی تعلیم کا فروغ ہے جس کے لیے وہ ہر ممکن کوشش کریں گے

بھاولنگر (ڈاکٹر ظفر بیوروچیف سے ) تیز رفتار بے قابو پیجارو نے سڑک کے کنارے بس کے انتظار میں کھڑے راہ گیروں اور فروٹ فروش کو کچل دیا ایک جاں بحق دو زخمی ۔تفصیل کے مطابق گاڑی نمبری 111 ایم بی فقیروالی سے ہارون آباد کی جانب جا رہی تھی کہ فقیروالی سے ملحق پھاٹک 121 پر دو حقیقی بھائی محمد اشرف گل اور محمد لطیف گل بس کے انتظار میں کھڑے تھے کہ مقابلہ لگاتی پیجاروتیزرفتاری سے بے قابو ہو کر ان پر چڑھ گئی جس سے دونوں بھائی شدید زخمی ہوئے ان میں محمد اشرف گل ہسپتال لے جاتے ہوئے زخموں کی تاب نہ لاتے ہوئے چل بسا جبکہ دوسرا شدید زخمی ہوگیا ۔بے قابو گاڑی سڑک کے کنارے غریب فروٹ فروش اللہ رکھا اور اس کا چھوٹا کمسن بچہ رحمان پر بھی چڑھ گئی جس سے اللہ کھا زخمی ہوا اور اس کا ہزاروں روپے کا فروٹ ضائع ہوگیا۔ایس ایچ او نے میڈیا کو بتایا کہ اس کا ڈرائیور محمد اکرم تھا جو کہ فرار ہوچکا ہے جبکہ زخمیوں کو ٹکر مارنے والی گاڑی زخمیوں کو خود اٹھا کر ہسپتال فقیروالی لے کر آئی ۔ جاں بحق ہونے والا نواحی گاﺅں122 سکس آر کا ساکن اور اسٹیٹ لائف میں کام کرتا تھا ۔

بھاولنگر(ڈاکٹر ظفر بیوروچیف سے) گزشتہ تین سالوں میں ملک بھر میں ہربل میڈیسن(مفردات) کی قیمتوں میں 500 فیصد تک اضافہ ہو چکا ہے ۔جبکہ خام جڑی بوٹیوںسے تیار ادویات کے نرخوں میں 65 فیصدتک اضافہ ہوا ہے یہ اضافہ کاشتکاروں کو جڑی بوٹیاں کاشت کرنے کا جانب توجہ مبذول نہ کرانے اور حکومتی عدم دلچسپی نیزصدیوں پرانے اس مفید و موئثر طریقہ ہائے علاج سے روایتی ہٹ دھرمی کا نتیجہ ہے۔ سروئے رپورٹ۔۔۔۔۔۔
گزشتہ تین سالوں میں ملک بھر میں ہربل میڈیسن(نباتات،مفردات)کی قیمتوں میں 500 فیصد تک اضافہ ہو چکا ہے ۔یہ ادویات عام گھرسے لے کر کمر شل بنیاد تک استعمال ہو تی ہیں ۔مارکیٹ سے اکٹھے کئے گئے محتاط اعداد و شمار کے مطابق بالکل عام سطح کی ادویات سے لیکر اہم ادویات تک اضافہ ہوا ہے ۔ رپورٹ کے مطابق سونف کے نرخ30 روپے تھے جو کہ اب بڑھ کر200 روپے فی کلو گرام ہو چکے ہیں ۔دھنیا 30 روپے سے 160 روپے فی کلو گرام ،بادام 38 سے120 روپے ، کالی مرچ190سے 500 روپے، سنڈھ 160سے 550 روپے ، اجوائن دیسی کے نرخ 25 روپے فی کلو سے بڑھ کر 200 روپے ہو چکے ہیں ۔ ہلدی 45 روپے سے بڑھ کر 300 روپے ،الائچی چھوٹی400 سے3500 ،الائچی بڑی 280 روپے سے 2400 روپے ،لونگ250 سے800 روپے ، ثعلب مصری کے نرخ2000 سے10000 روپے فی کلو ہوئے ہیں ،موصلی سفید انڈین 1200 سے 2800 روپے ، زعفران 300 روپے دس گرام سے بڑھ کر 6000 روپے فی دس گرام ہو چکے ہیں ۔کستوری 15000 روپے فی دس گرام سے بڑھ کر45000 روپے ہو چکی ہے ۔ چھوٹی مکھی شہد کا 200 روپے فی کلو سے بڑھ کر1000 روپے تک پہنچ چکا ہے ۔ اس طرح گھر وں میں عام مصالحہ جات کے نرخوں میں نمایاں اضافہ ہوا ہے ۔ عام استعمال شدہ مربہ جات کے نرخ بھی فی ٹین 500 روپے سے زائد بڑھے ہیں ۔ماہرین کے مطابق ان افسوس ناک بڑھتے ہو ئے نرخوں کی بنیادی وجہ گزشتہ سالوں میں ہندوستان کے ساتھ نامساعد حالات ہیں ۔ کیو نکہ اس طرف سے بے شمار جڑی بو ٹیاں آتی تھیں ۔ دوسری وجہ پاکستان بھر میں ان کی کاشت کا نہ تو حکومتی رجحان ہے اور نہ پبلک سیکٹر میں یہ توجہ حاصل کرسکا ہے ۔ حا لانکہ اس ملک کی 70 فیصد آبادی دیہات میں رہائش پزیر ہے ۔وہ اس وطن عزیز کے لاکھوں افراد اس طریقہ ہائے علاج سے استفادہ کر تے ہیں ملک میں لاکھوں ہربل میڈیسن سٹور ہیں جو کہ کروڑوں روپے کی ادویات فروخت کر تے ہیں ۔ اور اس مفید و مو ¾ثر شعبہ ہائے علاج پر حکومتی چیک اینڈ بیلنس نہ ہو نے سے یہ نرخ خطر ناک اعداد و شمار کو چھو رہے ہیں ۔ رپورٹ میں یہ بات بھی سامنے آئی کہ ان خام ادویات سے تیار شدہ ادویات کے نرخوں میں بھی 65 فیصد تک اضافہ ہو چکا ہے ۔جو کہ ہربل طریقہ ہائے علاج سے استفادہ کرنے والے مریضوں کی کمر توڑنے کے لیے کافی ہے ۔
 

بھاولنگر( بیوروچیف ڈاکٹر ظفر سے)بس میں پہلے سوار ہونے کے جھگڑے کے نتیجے میں 18سالہ نوجوان طالبعلم نوید احمد کو فائرنگ کر کے قتل کر دیا ،ملزم عبدالمناف ولد شوکت علی اپنے ساتھیوں ،محمد سفیان ،عثمان اکرم ،محمد اصغر وٹوسمیت موقع سے فرار ہو گیا ۔تفصیلات کے مطابق چک نمبر 38تھری آر کا رہائشی نوید احمد جو کہ فرسٹ ائیر کا طالبعلم تھا اور ڈہرانوالہ کالج میں زیر تعلیم تھا ۔حسب سابق وہ کالج جانے کےلئے بس میں سوار ہونے سٹاپ پر پہنچا تو بس کے اندر پہلے سے موجود گورنمنٹ کالج کے طالبعلم عبدالمناف نے اسے للکارا اور پسٹل کا فائر نوید احمد کو مارا جو اسکے دل میں لگا اور نوجوان موقع پر ہی جاں بحق ہو گیا ۔واقع کی خبر اردگرد کے علاقہ جات میں جنگل کی آگ کی طرح پھیل گئی طلباءنے روڈ بلاک کر دیا اور ہنگامہ آرائی شرع کر دی تاہم مقتول کے ورثاءنے موقع پر جا کر طلباءکو روکا اور انہیں پر امن رہنے کو کہا ۔پولیس تھانہ صدر نے مقتول طالبعلم نوید احمد کے والد عبدالنبی کی درخواست پر مقدمہ درج کر لیا ہے اور تفتیش شروع کر دی ہے ۔
 

بھاولنگر( بیوروچیف ڈاکٹر ظفر سے)حکومت کی جانب سے کاٹن جنرز پر ٹیکس لگائے جانے کے خلاف غلہ منڈی ہارون آباد،فقیروالی ،بھاولنگر میں ہڑتال ،کاروبار اور لین دین بند رہا ،حکومت اپنا فیصلہ واپس لے ،غلہ منڈی کی انجمن آڑھتیان کے صدر ،نائب صدر ،جنرل سیکریٹری اور آڑھتیان ،کاشتکاران کا مطالبہ،تفصیلات کے مطابق حکومت کی جانب سے پچاس لاکھ روپے سے زائد کاروباری خرید کرنے پر کاٹن جنرز ساڑھے تین فیصد ٹیکس حکومتی خزانے میں جمع کروائیں گے مگر صدر انجمن آڑھتیان ملک زاہد محمود ،جنرل سیکریٹری عبدالغفارخلجی ،سیکریٹری چوہدری آصف ،صدر کاٹن جنرز شیخ عمران ،رضوان خورشید و دیگر نے کہا کہ ٹیکس کا سارا بوجھ کاشتکار پر پڑے گا کیونکہ آڑھتی زمیندار سے اور آڑھتی سے جنر وصول کر کے حکومت کو ٹیکس ادا کرئے گا اب بھلا کوئی زمیندار کیونکر کٹوتی کروائے گا اور موجودہ قیمت پر ایک من کپا س پر 160روپے ٹیکس بنتا ہے حالاآنکہ ہم لوگ پہلے سے ہی زرعی ٹیکس دے رہے ہیں اوپر سے سراسر دوسرا ٹیکس زیادتی کے علاوہ اور کچھ نہیں ۔ہمارا حکومت سے مطالبہ ہے کہ وہ اس فیصلہ کو فی الفور واپس لے تاکہ غریب کاشتکار جو کہ پہلے ہی طرح طرح کے ٹیکس ادا کر رہا ہے اسکو کچھ ریلیف دیا جا سکے ۔

بھاولنگر (ڈاکٹر ظفراقبال بیوروچیف ) ضلع بھاولنگر کو زندہ درگور کرنے کی پالیسی پر واپڈا حکام نے مکمل منصوبہ بندی سے عمل شروع کردیا ۔آٹھ گھنٹہ لوڈ شیڈنگ کا شیڈول اور بارہ گھنٹے مین لائن کی مبینہ بندش نے چوبیس گھنٹہ میں چار ،پانچ گھنٹہ بجلی کی فراہی ،وزیر اعظم کا شہر ملتان جگ مگ بھاولنگر ضلع کے مکینوں میں چولہے بند ہو گئے ،پنجاب بھر کے 35 اضلاع کا شیڈول الگ اور ضلع بھاولنگر کا الگ ہے ، وزیر اعظم سنگین ترین بحرانوں پر قابو پانے کی بجائے مسلم لیگ ن ،ایم کیو ایم ،جے یو آئی و دیگر جماعتوں کو راضی کرنے پر لگے ہوئے ہیں ۔بہت جلد ضلعی انجمن تاجران کا وفد ضلعی صدر کی قیادت میں چیف ایگزیکٹو میپکو سے ملاقات کرے گا ،صورت حال درست نہ ہوئی تو ضلع بھر کی انجمن تاجران کو بجلی کے بل جمع نہ کرانے کی اپیل کی جائے گی ،ضلعی صدر انجمن تاجران عبدالحمید صدیقی ،جنرل سیکریٹری مرکزی انجمن تاجران فقیروالی جاوید مجید ،سرپرست اعلیٰ محمد انور (ر) صوبیدار ،حاجی اقبال احمد سعید مہدی ،میڈیا ایڈوائزر ڈاکٹر ظفر اقبال،حاجی کاظم حسین کی بات چیت ،کیونکہ اگر بجلی وزیر اعظم کے شہر کو ہی فراہم کی جاتی ہے تو بجلی کے بل بھی وزیر اعظم ہی ادا فرما دیں ۔حکومتی عوام دشمن پالیسیوں نے عوام کا بھرکس نکال دیا ہے ۔تفصیلات کے مطابق ضلع بھاولنگر بھر کو دو اطراف سے بجلی فراہم کی جاتی ہے ایک ساہیوال اور دوسری وہاڑی ۔ساہیوال سے بھاولنگر ،فقیروالی ، کھچی والا ، یتیم والا ، فورٹ عباس کو بجلی فراہم اور وہاڑی سے ہارون آباد اور ڈونگہ ،چشتیاں وغیرہ کو فراہم کی جاتی ہے۔لوڈ شیڈنگ کا ضلعی شیڈول 8 گھنٹے ہے ۔مگر مبینہ طور پر 10 گھنٹے مین لائن بند کردی جاتی ہے ۔اس مین لائن بندش کی کوئی معقول یا تکنیکی وجہ نہ بتائی گئی ہے ۔شنید ہے وزیر اعظم کے شہر ملتان کو ضلع بھاولنگر کی بجلی بند کر کے فراہمی کی جا رہی ہے اوراس سلسلہ میں اسلام آباد سے بھی حکم ہے ،یہ بات بھی سامنے آئی ہے پنجاب کے 36 اضلاع میں لوڈ شیڈنگ کا شیڈول 6 سے 8 گھنٹے جبکہ ضلع بھاولنگر میں 18گھنٹے کی بندش نے زندگی مفلوج کردی ہے عوامی جزبات جس طرح مشتعل ہو رہے ہیں اس کے نتائج واپڈا حکام کی حد سے زیادہ بڑھتی ہوئی بے حسی ہے ۔انجمن تاجران کے ضلعی صدر عبد الحمید صدیقی نے بات چیت کرتے ہوئے کہا کہ بہت جلد تاجران کا وفد چیف ایگزیکٹو میپکو ملتان سے ملاقات کرے گا ۔اور اس سنگین ترین افسوس ناک صور ت حال پر قابو نہ پایا گیا تو اگلا مرحلہ واپڈا کے بلوں کی بند ش ہو گا ۔کیونکہ اگر واپڈا کے پاس بجلی نہیں تو ہمارے پاس بل نہیں ۔یعنی بجلی دو اور بل لو کی پالیسی اپنانے پر مجبور ہوں گے ۔اور شنید کے مطابق وزیر اعظم کے شہر کو ہی بجلی ضلع بھاولنگر کی کاٹ کر فراہم کی جا رہی ہے تو پھر بجلی کے بل بھی وزیر اعظم سے ہی وصول کریں ۔اس طویل ترین بند ش سے جہاں زندگی مفلوج ہو چکی ہے وہاں بجلی سے کام کرکے روزی کمانے والوں کے گھروں میں فاقے شروع ہو چکے ہیں ۔اور صارفین زیادہ دیر تک اس صورت حال کو برداشت نہیں کر سکتے۔عوامی حلقوں کا کہنا ہے کہ ضلع بھاولنگر کے تین وفاقی وزیروں ،چوہدری عبد الغفور ،محمد افضل سندھو ، اور ممتاز عالم گیلانی اور صوبائی ممبران کو اس صورت حال سے کوئی سروکار نہیں جو کہ عوامی ووٹوں کا کھلا استحصال ہے ۔کیونکہ اگر یہ عوامی نمائیندہ ہونے کے دعویٰ دار اجتماعی مسائل میں بھی اپنا کردار ادا نہیں کر سکتے تو عوام کو ان کی کوئی ضرورت نہیں ہے ۔

بھاولنگر(ڈاکٹر ظفراقبال بیوروچیف) سوتیلی ماں کے تشدد سے تنگ آکر گھر سے بھاگنے والی چک نمبر 52ای بی بلوچاںعارفوالا کی16سالہ سعدیہ ہارون آباد پہنچ گئی جسے پریس کلب ممبران نے مقامی پولیس کی زیر نگرانی عدالت میں پیش کردیا ،دارلامان منتقل کر دیا گیا ۔سعدیہ نے تفصیلات سے آگاہ کرتے ہوئے بتایا کہ اسکے والد محمد انور نے دوسری شادی رچالی تھی اور اسکی سوتیلی والدہ روزانہ اس پر تشدد کرتی جسکی وجہ سے اس نے انتہائی قدم اٹھاتے ہوئے گھر سے بھاگ جانے میں عافیت سمجھی اور انجانی بس میں بیٹھ کر ہارون آباد شہر میں پہنچ گئی اور پریس کلب سے رابطہ کیا ۔واقع کی اطلاع ملنے پر پریس کلب کے چیف پیٹرن رائے پرویز اصغر نے دیگر ممبران کی ہمراہی میںڈی پی او بہاولنگر کو صورت حال سے آگاہ کیا اورمقامی پولیس کی نگرانی میںمتاثرہ لڑکی تک جا پہنچے جہاں اس نے خواہش ظاہر کی کہ وہ دارلامان جانا چاہتی ہے ۔پولیس کی نگرانی سعدیہ کو عدالت میں پیش کیا گیا جہاں اسے دارلامان بھجوا دیا گیا ۔
بھاولنگر(ڈاکٹر ظفراقبال بیوروچیف) کرپشن ،سکینڈلز،سماجی ،سیاسی اور شہری مسائل کو اجاگر کرکے منظر عام پر لانیوالے فرینڈز میڈیا گروپ (رجسٹرڈ) کی رجسٹریشن اور باڈی کے چیف پیٹرن ملک محمد افضل انجم ،صدر ظہیر عباسی ،جنرل سیکریٹری رانا دلبر راحیل ،سیکریٹری فنانس لالہ محمد اقبال ،سیکریٹری انفارمیشن عاصم نذیر خان اور میاں علی رضا کو جبکہ اس گروپ کی سرپرستی میں ریڑھ کی ہڈی کا کردا ادا کرنے پر پریس کلب کے چیف پیٹرن رائے پرویز اصغر کو شہر بھر سے ہر طبقہ فکر نے مبارکباد پیش کی ہے اور اسکی ترقی کے لئے دعائیں دی ہیں ۔
بھاولنگر(ڈاکٹر ظفراقبال بیوروچیف) مقامی اخبار فروش سلیم اجمیری کے والد کی وفات پر پریس کلب اور فرینڈز میڈیا گروپ(رجسٹرڈ)کے تمام ممبران نے سلیم اجمیری سے اظہار تعزیت کیا ہے اور مرحوم کے بلند درجات کی دعا کی ہے ۔

بھاولنگر(ڈاکٹر ظفر اقبال بیورچیف ) دس سالہ بچی آسیہ سے زیادتی کیس کی چھان بین اور والدین سے ہمدردی کے لئے ڈی پی او بھاولنگر سلمان خان ۔ڈی ایس پی خاور زمان لودھی ، اور صوبائی پارلیمانی سیکریٹری شوکت محمود بسراءلڑکی کے والد محمدلطیف کے گھر پہنچ گئے ،ملزم کو کیفر کردار تک پہنچانے میں کوئی کسر نہیں چھوڑی جائے گی ،ڈی پی او اور ایم پی اے کا صحافیوں اور متاثرہ خاندان سے عزم اور میڈیا سے بات چیت ۔ایم پی اے نے کہا کہ اس کیس کے اخراجات صوبائی حکومت ادا کرے گی چونکہ متاثرہ بچی کا والد ایک بازو سے معذور بھی ہے اس لیے اس خاندان کی مالی معاونت بھی کی جائے گی ۔اور کیس کے متعلقہ تمام معاملات کا وہ خود جائزہ لیں گے ۔انہوں نے میڈیا کے فعال کردار کو بھی سراہا اور خراج تحسین بھی پیش کیا ۔ڈی پی او نے میڈیا کو بتایا کہ پولیس نے کوئی کوتاہی نہیں کی اور اپنی ذمہ داریاں ادا کی ہیں ۔ڈی این اے ٹیسٹ بھی کرایا جائے گا اور تمام شوہد کی روشنی میں ملزم کو اپنے مزموم کردار کی سزا ضرور ملے گی ۔اس موقع پر ملزم نے اعتراف جرم بھی کیا ۔متاثرہ بچی کے والد کی حالت غیر تھی اور وہ غم سے نڈھال تھا ۔ڈی پی او نے مزید کہا یہ معاملہ وزیر اعلیٰ پنجاب کے نوٹس میں بھی ہے اور اس کے اخراجات صوبائی حکومت برداشت کرے گی ۔وہ متاثرہ خاندان کے گھر میں بھی گئے اور ان سے اظہار ہمدردی کیا شہر کی معزز کمیونٹی بھی اس موقع پر موجود تھی ۔اس موقع پر کچھ مخیر حضرات نے متاثرہ خاندان کی خدمت بھی کی ۔

صفحہ نمبر:-04-03-02-01